It libben falt Simen net ta no’t hy sûnder wurk sit, syn frou kostwinner is en syn skoanmem ek noch by him yn hûs wennet. Hy fielt him bûtensletten, oerstallich, wanhopich. En mei Facebook as syn finster op de wrâld, liket syn eigen libben noch lytser en weardeleazer. Syn ûnfrede liedt ta in rûzje mei Marie, syn frou en ta it misferstân dat hy himsels te koart dwaan wol, der in ein oan meitsje wol. As dit misferstân op de sosjale media ferskynt, wurd dat in hit en kryt Simen de kâns om in held te wurden. Mar dan moat hy it misferstân wol ta útfiering bringe. Doart hy dat wol?

‘De man dy’t himsels te koart die’ is yn 1928 skreaun troch Nikolaj Erdman en yn 1996 bewurke troch Hans Brans en oerset troch Sytske de Boer. Foar Suwâld is it stik fjirder bewurke en nei de hjoeddeiske tiid brocht.