It is al jierren oarloch tusken de twa wichtichste stêden fan Grikelân: Athene en Sparta. Alle jonge manlju binne oan it front en it jild giet op oan de oarloch. As Lysistrata, in oarlogswiddo, sjocht dat har dochter fereale wurden is op in soldaat, fynt se it heech tiid foar de frede.

Omdat it de manlju al jierren net slagge is om ta frede te kommen, fynt Lysistrata dat de froulju no oan set binne. Se hellet de Atheense en Spartaanse froulju oer om harren machtichste wapen yn te setten om de manlju ta frede te twingen. Se moatte harren ûnthâlde fan..... earst frede dan pas frije, de froulju stake! Dizze staking liedt ta in oarloch tusken de froulju en de manlju mei de frede as ynset. De oerfallen manlju komme hjirtroch yn komyske en nuodlike situaasjes te lâne.

Dizze Grykse komeedzje is yn 400 foar Kristus skreaun troch Aristofanes. Yn 1997 hat Lolkje Hoekstra it stik yn it frysk oerset. Hans Brans hat it spesjaal foar Toanielseskip Nij Begjin út Nijegea bewurke.