Omke Simone is in âlde rike heareboer út in lyts doarp op Sisilie, oan it begjin fan de foarige ieu. Omke syn earste frou hat him gjin bern neilitten. Om't hy syn guod neilitte wol oan in neikommer, troud er mei Mita, in jong en earm weesfamke. As ek dat houlik ek sûnder bern bliuwt hat dat grutte gefolgen foar it humeur fan Omke Simone, foar it houlik, en foar de sfear yn it doarp.

Gelokkich is dêr Liola, de jeugdleafde fan Mita. Liola is in fleurige pierewaaier, in frije fûgel, dy’t gek is  fan froulju (alle froulju ûnder de tritich jier). En alle froulju binne gek mei Liola. Wêr Liola komt, komt wille.

It stik begjint yn'e tiid fan'e rispinge, by de pleats fan de nicht fan omke Simone, muoike Croce en har dochter Tuzza. Mem en dochter fine it tige spitich dat it jild fan harren rike omke net yn'e famylje bliuwe kin. En dochter Tuzza hat noch in reden om oergeunstich te wêzen op Mita: hat dy ek noch in fleurige minner? Dus no hat Tuzza wat úthelle.... Mar yn in doarp bliuwt noait wat lang geheim. Elts tinkt der sines fan...